網民hottalk21個月被檢控85次　澳門的士佬涉屈遊客錢

「澳門就是與別不同」，呢句澳門旅遊局推廣口號真係冇講錯。話說有位台灣遊客喺fb訴苦，話14號喺澳門搭的士去威尼斯人，睇錶21蚊，但司機坐地起價要收$100，仲鎖車門載遊客返原址，結果遊客太驚下話肯畀$50，司機就喺半路中途放低佢。遊客其後報警，警方拉咗司機，但有網民話原來司機已經放番。
澳門警方翻查紀錄發現，涉案司機前年8月開始，試過被檢控85宗的士違規，包括濫收車資、拒載等，而違規期間揸過不同的士。
唔少澳門網民已經對呢啲事見怪不怪，不過就好奇怪，點解俾人拉足85次仲可以繼續揸的士，反而曾經喺遊行期間於澳門特首官邸掟紙飛機嘅蘇嘉豪，就俾建制派聯手褫奪議席之餘，仲被正式起訴。